يا ابو مشعل

يــاحبــيــبي لــيه ياعــمـــري تخون == لــيــه تــغـدربي وانا وافي مــعـــاك

دامك انت اللي على عمري تمــــون == ولو تبي عمري ترى عـمري فــداك

ودامك اغلى عندي من ضي العيون == ودامك اغلى عندي من هــــذا وذاك

كيف تهديني من كفوفك طــعــــون == كيف ترميني على درب الــهـــلاك

كيف حب سنين في عينك يهـــــون == كـيـف تـنـسى قلب عمره مانساك

كنت اظنك يابعد عمري حــنــون == وكنت اظنك صادقٍ ٍ لي في غلاك

وكنت اظنك يابعد عمري تصون == قلبي اللي فز من صدري وجاك

ياخساره غرتك ذيك الــظــنــون == وغرك العاذل وعن خلك عماك

ما أصدق انت ياعمري تخــون == ياخساره بعت في قلب ٍ شـراك